🥞伯爵茶珍珠梳乎厘班戟 $118
Pancake黎到份量好震撼，好似塊面咁大嘅梳乎厘，仲要有兩塊！食落輕盈柔軟，好似棉花咁☁️伯爵茶醬茶味濃厚香滑，配埋煙韌嘅珍珠🧋搭配pancake形成左好正嘅口感對比，每一啖都有茶香同蛋香，仲有珍珠口感，層次豐富
🦑酥炸海苔魷魚 配 青芥末沙律醬 $78
炸魷魚份量好多，炸粉唔厚勁脆，配埋芥末沙律醬好有fresh嘅感覺，一個人食曬都唔會覺得膩！
🍟黑松露蛋黃醬芝士焗薯條 $78
薯條一大盤上，上面有溶咗嘅碎芝士同埋黑松露蛋黃醬，呢個組合無得輸呀，仲可以拉絲添！
🦀明太子醬軟殼蟹意大利粉 $128
明太子醬好厚身，沾滿每一條意粉，仲有完整一大隻軟殼蟹喺面，好食到一啖接一啖。
🍫三重奏薄荷朱古力沙冰 跟餐加配$29
跟餐叫有半價(原價$58)，朱古力味好濃，啖啖都飲到朱古力脆，加埋薄荷口感好fresh，上面仲有cream，邪惡之選！
🍵海鹽Kiri芝士奶蓋槙之白宇治抹茶（凍） $53
呢杯飲品嚟到已經覺得佢嘅分層好靚，抹茶夠濃唔甜，上面奶蓋奶香味重好出色，推介！
