步入餐廳, 氣氛熱鬧, 餐廳樓底高, 裝修典雅. 幸好我們預先訂了位,
服務員先開茶及送上小食, 茗茶每位 $20, 水滾茶靚.
餐牌有多頁, 價錢豐儉由人. 有多款創意食品 , 不落俗套. 點了招牌名爐燒味.
特色小菜.........乾逼拆蟹肉粉絲煲
吃素是福..........碧綠淮山雲耳炒百合
落了單, 首先試試小食, 麻香鳳爪, 鳳爪好稔滑帶少少麻香, 惹味開胄.
店長介紹, 養生桂花淮山小食 ~ 淮山配上桂花味, 清甜好食, 淮山營養成份豐富, 養肺補脾.
蜜汁叉燒王 ~ 上桌熱辣辣, 賣相吸引, 黑豚肉燒得香而不乾, 切得夠厚身,
調味不錯, 肉質鬆軟, 肥瘦適中, "立立令" 的的醬汁, 十分惹味.
紫砂功夫燉湯 ~ 一人一壺, 好健康, 湯料足, 火喉夠, 湯燉得清香,
品茶般把湯倒進小杯子, 喝得有風味. 慢慢品嚐. 紫砂養生壺提倡慢飲細食, 古語說得好 "上臺可聞湯香味, 入口香純到腸來"
乾逼拆蟹肉粉絲煲 ~ 用瓦鍋盛載, 保持溫度. 蟹肉蟹籽有份量, 好吸睛.
服務員先把蟹肉粉絲兜亂, 蟹肉蟹籽一齊食, 鮮甜味美,
粉絲滑口, 炒得好乾身, 吸入了蟹味, 一流好食.
吃罷叉燒及蟹肉粉絲, 來 個素菜非常好, 碧綠淮山雲耳炒百合 ~ 好爽口的一道健康有益菜. 淮山 養肺補脾, 降血壓. 雲耳能潤肺生津, 滋陰養胃.
今晚見鄰檯吃片皮鴨, 我真好想食. 再看這一隻招牌大燒鵝, 下次必食了
