Non Kitchen

Open Now

Now Closed

住觀塘嘅朋友同我講觀塘好多工廈餐廳，今日收工佢帶咗我一間叫 Non kitchen 嘅西餐廳。餐廳佈置得幾有風格，有唔少燈飾掛燈佈置。頭盤嘅餐包好香脆，配上黑松露牛油又香又滑。炸芝士條（$88）芝士條炸到外面脆，裏面軟，吃起來會保持芝士的韌度，味道適中，不會太咸太淡。但要趁熱食，芝士凍左會變硬，影響口感。特級肉眼牛排（$358）牛排五成熟，食落唔會俗！牛排煎得恰到好處，外表香脆，內裏呈粉血色，食落仲有少少牛嘅血鮮味。肉味亦都足夠，入口感覺好軟熟，亦都唔會痴牙！牛肝菌蛋闊面（$138）牛肝菌帶有淡淡嘅木香味，蛋闊面質偏硬同煙韌，而且好有蛋味。而且廚師落左好多蒜去煮，令味道更豐富，落埋芝士粉將牛肝菌嘅味道充份帶出。鐘意打桌球嘅朋友都可以上去邊食邊飲邊打桌球，位置都幾寬敞。