七喜粥麵小廚

夜媽媽, 加班做到9點幾, 附近食店都收晒工, 肚仔餓, 腳仔軟, 一行三人到左七喜食飯。

唔係第一次幫襯七喜, 以往都有食開客飯同粥, 今次叫左幾個小菜食。去到見唔少人, 岩岩有張台起身走人, 坐低叫野食, 一開始即叫豬紅羅白, 一般街坊食品但係例牌菜, 夜晚入去食通常都走唔甩, 

普通菜但坐低例叫

送飯就咁食又得, 食住再諗食咩又得, 羅白大大件, 唔太辣, 豬紅又滑。

豉椒炒大蜆

I之後叫左個豉椒炒蜆, 唔係太入味, 可以花心機試其他。

金銀蛋浸時菜

金銀蛋浸時菜唔會淡味, 我叫開白菜多, 菜心容易受時令影響, 蛋花落好多, 分量亦好多, 食果陣好有滿足感。

豬頸肉

豬頸肉第一次叫, 不過不失既菜式, 叫左唔會擔心叫錯野, 反正就係有碟肉食下。