Wish You A Mamaday (Closed)

<Wish You A Mamaday> 聽幾個朋友都介紹過，今次終於抽到時間去食！餐廳位於銅鑼灣市中心，出地鐵站三分鐘就到，位置非常方便一踏入餐廳，就見到牆身佈滿住歐美既人像擺設同搞鬼金句，我同朋友都被新穎創意既裝飾吸引住！正當我地忙住影相打卡既時候，服務員就遞上Menu同推介菜式，估唔到連食物同飲品既名都大玩‘食字’，真係玩味十足！<波士頓龍蝦意大利飯> 一上菜就比佢大大隻龍蝦吸引，估唔到唔止睇得，仲食得！一大條厚厚既龍蝦肉輕易取出，食落啖啖肉，肉質爽口，味道鮮甜惹味。限定菜式<吉列你隻牛> 岩晒打卡！吉列牛扒，溫泉蛋飯同網燒分開上枱，由自己放肉上去燒，生熟程度由自己話事。我好鍾意呢種網燒既食法，唔似一般鐵板燒咁大煙咁油膩，相反，只需將肉既每一面輕輕一燒就食得。味道方面，吉列牛入口嫩滑，每咬一口都充滿香濃肉汁至於甜品紫薯窩夫，一黎到已經聞到好香新鮮烘起既窩夫味！整道甜品結合香滑雲呢拿雪糕，香濃紫薯泥同香脆窩夫，味道清新，甜甜地但完全不漏。整體價錢性價比高，有得打卡，食物味道又不錯，下次一定會再黎