都起碼有好幾年....好耐冇入去屯門黃金海岸喇﹗應朋友想食...蒲飛，我連同朋友一齊專誠搭車過黎懷緬一下以前，再黎食番個中午蒲飛傾下偈﹗當日估唔到咁多人，以為山卡拉應該唔會太多人，點知咩年齡既人士都到齊﹗食物種類算多，見到冷盤食物都好多種，熱食麻麻地亦唔多選擇，場內設有魚生區...不過屈埋一邊，如果唔係去廁所都唔知道魚生區，但因為地方問題成日要排好長隊，甜品款式算不錯﹗最離奇係切牛肉的....竟然要次次推開好重既門出去花園取，雖然仲有專人幫你整夾餅食﹗但...感覺怪怪地﹗服務質素唔錯，收碟侍應個個都好有笑容，仲好有禮貌添﹗到食到好好好飽要走既時候...看到冇魚生區冇師傅響度既附近，竟然放左碟壽司，唔知場內其他人有冇食過呢？我地枱就冇人食過喇﹗唔知係我口渴定係蒲飛都會有味精？我一個人都飲左4杯橙汁，1碗蕃茄湯，1杯咖啡﹗
