當日我哋就試咗下邊兩個烏冬湯底，主打嘅冷萃咖啡同埋昭和風硬布丁
秘製當歸雞白魚介湯🐓 $95
湯底魚介味吾太重，比較少海鮮嘅感覺。即使湯底加咗少量藥材，藥膳味都唔太重，雞嘅鮮味反而更濃郁。
醬油豚背脂魚介湯🐟 $95
口味比較重嘅朋友一定啱㗎。湯底醬油味比較重，豚背脂帶出嘅油味鎖住烏冬嘅溫度，而熱度亦唔會令到油脂太過油膩。
套餐追加 $70
冷萃咖啡☕️
有別於一般以高溫熱水沖煮咖啡，冷萃咖啡將咖啡磨粉後，像是冷泡茶包一樣置於飲用水中，藉由低溫長時間的浸潤來萃取咖啡液。入口冇一般齋啡苦澀嘅味道，反而多一種清涼甘甜嘅感覺。
昭和風硬布丁🍰
雞蛋味十足，唔會太甜太滯，非常適合作為甜品收尾。
