黑福多拉麵 (Closed)

今晚去左新開既黑福多拉麵, 此店是百佳咖啡同一集團, 食品應該都有保証!先來一個炸腐皮蝦卷, 不過一來就見到非常多油, 我地用紙巾索左D油先食, 味道都唔錯, 外面係腐皮, 內裡有肉碎同蝦, 不過可唔可以唔好咁多油?失望! 食左幾舊, 碟上既油好恐佈!失敗!跟住就係照燒魷魚, 如果個魷魚身可以再燶D, 醬汁多D就好喇!主角--叉燒拼豬軟骨赤拉麵, 叉燒軟冧, 不過薄D仲好! 豬軟骨味道同質地OK, 不太差! 辣湯可以揀大,中,小辣! 今晚試左小辣, 不過原來唔係好辣, 而且可以飲到湯底既豬骨味,唔會比辣味蓋過, 下次可以試中辣! 甜品--黑糖XX 丸子(唔好意思, 個名又唔記得左), 裡面有黑糖, 芝麻丸子, 涼粉, 蕃薯蓉, 紅豆, 同雪米糍,內容豐富! 如果將雪米糍換左係雪糕球就好喇!