估唔到呢間酒家比到驚喜我喎！
重點講吓幾款菜式啦😊😊
首先講吓龍蝦伊麵先，龍蝦來講呢系非常之實肉既，有龍蝦鮮味！唔會話食落去有水水地嘅感覺所以值得讚，而伊麵呢都吸收到龍蝦嘅味道唔會好粉所以我都俾個好評！🤩🤩
乳豬來講呢個皮都脆卜卜而且肉質都夠嫩有少少豬油嘅香味唔錯㗎！炸子雞都非常脆香，能夠冇雪藏味道已經唔簡單㗎啦！
糯米飯都做得幾好啊唔會話黏身𥹉喉嘅感覺炒落去都有乾爽飯香味！我對糯米飯要求都幾高㗎，佢啲臘肉都香濃，冇油益味！
最後講吓個紅豆沙，都帶出左陳皮嘅香味，紅豆沙最緊要係煲到起沙咁間酒樓都做到啊😋😋
好啦今次我就俾個like佢啦✌🏻✌🏻
