泗益

喺殘殘舊舊嘅茶檔食起經典嘅西多士份外有一種情懷同埋風味。

作為一間非常之旺嘅茶檔，出品新鮮熱辣係必要嘅，所以呢度嘅西多士味道都唔會差，糖漿加埋牛油就係令人懷念嘅味道。

烘底三文治呢度都做得唔錯，唔係張方包求其喺扒爐上面煎兩下就當係多士，脆口係基本嘅，另外最緊要都係夠乾身，呢度嘅食物都係用心製作，所以食落去完全feel到茶檔嘅誠意。

雖然個個都話呢啲茶檔要飲咖啡、奶茶同埋鴛鴦先至夠滋味，其實如果茶底靚，一杯檸檬茶亦都係唔錯嘅選擇。