[Le Viet]係開放式設計，見到廚房乾淨企理，感覺良好，座位亦寬敞舒服，侍應親切有禮
以下係我哋點嘅菜式
越式拼盤 $138
越式拼盤小食有蝦餅、越南春卷、蒸粉包同埋燒香茅豬頸肉，賣相唔錯，蝦餅炸得香脆，彈牙多汁，餡蒸粉包料超多惹味，同埋炭燒豬頸肉燒得脆、又多肉汁。
牛油雞翼 $78
牛油雞翼一上枱超香牛油味，又超多蒜蓉，賣相吸引！雞翼炸得香脆，肉軟嫩又好juicy，，牛油味加埋蒜蓉味好夾又惹味，食到停唔到口。
越南咖喱牛腩鍋 $108
牛腩份量十足，肥瘦適中，燜得幾腍，亦有大大件牛筋，又腍又滑，滿滿骨膠示原，配搭材料有粉腍薯仔、香口洋蔥、青椒和辣椒，咖喱汁有淡淡椰汁味少辣且甜，有層次感，十分惹味。
百香果綠茶 $36
天然果香嘅百香果加埋綠茶很配，鮮甜微酸，帶百香果籽，配搭香醇回甘嘅綠茶，清爽怡人！
食完先見到餐牌上面有特別菜式：
越南菜 X 限定小黃牛肉粉系列-匙炳/吊龍/雪花
下次再試下
