Read full review
2022-05-14
422 views
餐廳位置幾方便,一出K11地鐵站出口,就到Pound & Roll 。總結就係味道偏向清淡,唔適合重口味人士,不過佢嘅擺盤同服務都幫佢攞返唔少分數。同朋友叫咗個二人餐,主菜有安格斯黑毛牛西冷扒同蕃茄蟹肉扁意粉。🍝 蕃茄鮮蝦扁意粉: 8/ 10蕃茄鮮蝦扁意粉味道OK,不過意粉有啲散,用叉一夾就散晒。如果用多啲唔同香草,味道層次應該會豐富啲。🥩 安格斯黑毛牛西冷扒:??我自己唔食牛,但肉眼睇西冷扒比較乾身,欠缺色澤。但係配菜都有幾多種:椰菜花、南瓜、車厘茄,顏色吸引。🥣 餐湯、沙律同甜品整體水準比較一般。甘筍湯一般都會打成茸,有啲似南瓜湯嘅處理方法,但餐廳似乎淨係加太多水落甘筍湯,飲落去就比較清同稀。甜品係雪糕新地配生果,雪糕尚可,我食到嘅奇異果同士多啤梨都係偏酸好似未夠熟咁。最後埋單五百幾蚊,價錢尚算合理。建議大家散叫。
餐廳位置幾方便,一出K11地鐵站出口,就到Pound & Roll 。
總結就係味道偏向清淡,唔適合重口味人士,不過佢嘅擺盤同服務都幫佢攞返唔少分數。
同朋友叫咗個二人餐,主菜有安格斯黑毛牛西冷扒同蕃茄蟹肉扁意粉。
🍝 蕃茄鮮蝦扁意粉: 8/ 10
蕃茄鮮蝦扁意粉味道OK,不過意粉有啲散,用叉一夾就散晒。如果用多啲唔同香草,味道層次應該會豐富啲。
🥩 安格斯黑毛牛西冷扒:??
我自己唔食牛,但肉眼睇西冷扒比較乾身,欠缺色澤。但係配菜都有幾多種:椰菜花、南瓜、車厘茄,顏色吸引。
🥣 餐湯、沙律同甜品整體水準比較一般。甘筍湯一般都會打成茸,有啲似南瓜湯嘅處理方法,但餐廳似乎淨係加太多水落甘筍湯,飲落去就比較清同稀。甜品係雪糕新地配生果,雪糕尚可,我食到嘅奇異果同士多啤梨都係偏酸好似未夠熟咁。
最後埋單五百幾蚊,價錢尚算合理。建議大家散叫。
Post