本佐日本燒肉料理 (Closed)

呢晚嚟到赫德道嘅本佐日本燒肉料理，試下呢到嘅燒肉放題！價錢適中，星期一至四 $278，五六日、公眾假期/前夕 $298。送一罐汽水/藍妹啤酒；或 +$40任飲汽水/藍妹啤酒/指定清酒～店面幾大，裝到好多檯客人。抵讚嘅係長檯會有多過一個爐，唔駛好多個人share一個爐。另外仲有室外嘅位置，岩晒食煙人士。呢到使用ipad落單，要幾多就點幾多，基本上點完1-2分鐘就會上曬點咗嘅嘢。非常方便同環保，亦都避免咗出現漏單嘅情況！以前都食過另外一啲燒肉放題，但係係要好似自助餐咁出去夾。呢到係廚房準備食物，感覺比較衛生，亦都feel到肉類質素高好多🤤餐墊上面教咗我哋點樣先燒得好味：燒雞肉/豬肉時間較長，可以放喺爐邊細火慢燒；燒牛肉可以放喺中間最大火嘅位置，喺短時間內燒熟牛肉，鎖緊肉汁餐廳提供燒汁、豉油、鹽、黑椒、七味粉～但大部份豬肉已經經過醬汁調味醃製，燒熟之後唔洗點燒汁都可以直接入口🤤本佐燒肉頭盤未點嘢，一嚟就上咗個本佐燒肉頭盤，包含好多肉類。個人尤其鍾意豬頸肉，因為醃得好好食。當然其他肉類都好好食！臨last order一次過點咗好多款肉哈哈哈：除咗燒肉之外，呢到仲有少許刺身同壽司可供選擇。亦都有