呢度最吸睛一定係佢哋招牌 50cm stew!!!
Seafood Fishcake Stew，長度真係有50cm，擺上枱超有氣勢，
打卡一流📏。入面用料勁豐富，有蝦有蟹仲有魚糕串，視覺同味道都係雙重滿足，啖啖都充滿海鮮鮮味🦐。
最貼心係職員會行埋嚟幫手剪好，方便分食又唔會整污糟枱面，細節位做得好到位✂️。仲可以揀有辣或者唔辣，
怕辣嘅朋友都食得安心；鍾意刺激嘅就拎辣版，越食越惹味🔥
海鮮煎餅都係必點之選，上枱已經聞到陣陣香氣，熱辣辣咬落去外脆內嫩，材料份量足到見到滿滿海鮮，每一口都有層次感🥞。
邊位特別脆，配上啖啖鮮味，食到停唔到口，啱晒一班人邊傾計邊食🥰
Bingo Signature Gimbap 係牛肉芝士味，米飯軟糯，卷得實淨，
牛肉香口而且唔乾，芝士微微拉絲又帶點奶香，整體平衡得啱啱好🍙。
份量夠分，唔會太heavy，但夠滿足感，做前菜或者中段轉換口味都啱👍
飲品方面 Strawberry Smoothies 清爽香甜，草莓味道天然唔假，
冰度啱啱好，食完熱辣辣嘢嚟一啖即刻降溫🍓。朋友之間分享就梗係要 Grape RiceWine，一大枝上枱夠氣氛，
微甜果香帶住米酒淡淡醇香，慢慢chill住再傾計，成個晚餐節奏舒服又輕鬆🍷。
總結嚟講，呢度出品穩定、用料厚道、服務貼心，價錢以環境同質素嚟講相當合理，
難怪越夜越熱鬧🐷🐷🐷🐷🐷🐷🐷
