火山排骨
呢款菜式係泰國好出名，超巨型！
以為骨多過肉，點知係啖啖肉！我哋四個人食都好夠😋而且肉質好嫩，一啲都唔韌
可以簡配酸辣汁或者甜酸汁，甜甜酸酸咁好開胃☺️
泰國蛋包炒金邊粉
好足料，有三隻大蝦🍤配菜仲有青檸汁，花生碎同辣粉，好惹味
咖喱（可自由配搭）
有青/黃/紅咖喱，可配豬/牛/雞
咖喱用煲裝住，上到枱仲熱辣辣
青咖喱香濃既香料及椰奶味，少少辣
雞肉好嫩，而且份量好多
蒜蓉牛油雞翼
好邪惡但又好味嘅一道菜☺️
雞翼有好濃厚既蒜蓉牛油味，而且炸得香脆可口，皮脆肉嫩又能夠保留肉汁
香葉包雞
炸得好香脆，雞肉外脆內亂，滲透住班蘭清香味😋
