Wulu Restaurant

放假同朋友去尖沙咀行街，朋友介紹柯士甸道[醉胡爐]火鍋店。所以一早訂定枱。

~有多款調味選擇

~招牌鮮椰青雞鍋
店員先炒啲雞大約5成熟，再加白酒，點起火放入雞鍋，然後倒入椰青水同雞湯，煲滾雞湯就可以飲。一口一口飲，好有椰子味、雞湯香味濃郁，雞肉又滑又嫩好鮮甜。

~爽脆牛胸爽
牛胸爽脆不油膩有口感。

~黃金墨魚丸
墨魚丸裏面放咗蛋黃，肉質爽口。
~手打牛丸
牛丸彈牙爽口，肉質爽嫩。

~黑松露蟹肉餃
濃郁松露餃皮薄，蟹肉鮮。

~皇帝菜
菜浸入湯底好入味，新鮮青翠。

~小食，老友鬼鬼
油炸鬼釀入蝦膠，份量十足，熱辣辣，脆卜卜，好配搭好食。