✨ 點心前菜拼盤
成餐飯最難忘嘅一道💖一共有三款，龍眼蜜黑毛豬叉燒、陳醋一口海蜇花、宇治蘿蔔絲酥餅。叉燒入口已經食到蜜糖味，海蜇爽得嚟醋味啱啱好，而蘿蔔酥外皮又輕又酥脆！
🥣 湯羹
今次揀咗兩款湯，食得辣可以揀酸辣湯，但我個人就鍾意雪燕冬瓜湯，湯水清甜，尤其夏天飲落好舒服。
🍗 主菜
松花口水雞嘅雞肉滑嫩，辣味香濃但唔過火；至於安格斯牛肉粒麻婆豆腐，麻味相對比較重，好啱鍾意食辣嘅人士。
🍜 鮑魚開洋蔥油拌麵
鮑魚比想像中大隻，而且好彈牙，蔥油味好香，麵條超吸汁！
🍮 甜品
酒釀小湯圓有淡淡酒香，湯圓細粒煙韌，唔怕太膩；至於養生棗皇糕，甜度適中，口感軟糯，食完一粒仲想再食😝。
📍 八十里 (尖沙咀)
尖沙咀廣東道3-27號海港城海運大廈2樓OTE201號舖
10
