餐廳喺美麗華商場地庫，地點非常方便，鍾意餐廳環境嘅設計好日系有一種簡約舒適嘅感覺，仲有榻榻米專區，而菜式係日式嘅西餐，食物水準都好好！
🦀蟹肉蟹膏甲羅燒燉飯
甲羅燒上鋪住滿滿嘅蟹肉，撈勻之後味道好濃郁，每一啖飯都有蟹肉蟹膏yummy~👍🏻係餐廳熱門菜式啊！
1
🐟和風醬油蜂蜜烤三文魚
上菜嘅時候已經聞到好香，三文魚烤到啱啱好裏面仲有少少粉紅色，所以啲魚肉仲好滑，配上埋醬油蜜糖唔錯唔錯！
🍗明太子雞翼•七味蛋黃醬
外皮煎到微焦，雞翼包滿左特別釀製嘅明太子餡，就咁食或者點蛋黃醬食都好食
🍫巧克力班戟．鮮果．楓糖鮮奶油
賣相好靚用嚟打卡一流！班戟有好香甜嘅朱古力味，唔會太甜啱啱好，加埋楓糖鮮奶油朱古醬正呀哈哈！雖然好邪惡但最後要食埋甜品先滿足😋
