喺尖沙咀起碼都食過四間印度菜
呢一間真係最好食
榮升左尖沙咀既我最喜愛印度菜
好食 性價比高 環境靚 又感覺好乾淨衞生😭
🇮🇳Pani Puri $65
印度嘅炸脆波配咗兩種汁 一種係羅望子酸甜醬
有少少似燒烤醬味 另一個係比較清新嘅薄荷酸汁 ～
出面嘅一般都比較酸 呢度只係少酸 啱曬香港人口味
🍸Masala JalJeera $49
出去成日都飲Mango Lassi
所以想試下呢一隻印度spiced lemonade
第一啖飲覺得有少少唔慣飲落係鹹鹹地
可能係因為入面有啲孜然粉 黑椒同埋薑汁
有啲似點野食嘅汁 但後來食啲重口味又覺得好夾
🥪Pattice Cheese Grilled Sandwich $99
三文治個餡主要係白碗豆咖喱同薯蓉 雖然好多澱粉
但係食落都好惹味 欣賞佢個麵包辣到好薄好脆
🧀Paneer Tikka (2 types) $129
印度芝士係唔經發酵既芝士 比車打芝士果啲淋
但又比軟芝士硬 有少少似鹽滷豆腐既質地
佢唔算好濃味只係得淡淡奶味 配唔同嘅醬燒就比較好
帶埋薄荷醬食好清新 可以解左食唔同咖哩既膩
🧅 Onion Kulcha $49 +Dum Aloo Punjabi $109
平時多數都係去食naan 今次店員推介我哋食kulcha
佢係半發酵嘅有餡烤餅 有少少煙靭同埋脆
入面包滿洋蔥餡好甜 但都煎到好香口
另外印度嘅薯仔乳酪咖喱 好順滑好濃
尖沙咀有好多印度餐廳 有啲就行情調路線
有啲呢就睇落地道啲 有啲裝修就glam d
我覺得呢一間裝修最有品味 好食價錢又合理
超推薦你哋去試😍😍😍
