鴻啤啤串燒 (Closed)

同FD食完晚飯，FD話仲想食D串燒，哩間燒烤OP評價都唔錯，咁試試啦。已經食過晚飯，今次唔叫更多嘢食。哩間啤酒都幾得意，下次同FD一齊試試。燒雞皮，一份有2串，雞皮燒得脆啵啵，食落好香口，鐘意食酸啲仲可以加埋檸檬汁一齊食。燒秋葵，秋葵微微燒已經可以食，如果燒得太耐，反而會苦。秋葵好新鮮，燒完食落好甜，唔錯。秘製黃金香蒜茄子皇，哩個睇到都覺得好味。茄子上鋪滿蒜蓉，蔥粒同辣椒粒，加埋店鋪燒烤醬，食落好惹味，如果鐘意飲啤酒，一定啱晒。錫紙花蛤，一份都有差唔多20只花蛤，花蛤好新鮮，食落好鮮甜，最重要係花蛤冇沙！蒜蓉焗金針菇，一份好大一碟，金針菇煮得啱啱好，同蒜蓉，辣椒粒好match，食完都勁飽。估唔到哩間串燒味道都幾好味，下次可以黎食埋晚飯TIM。