10
首先上左個季節沙律～ 有粟米、蕃茄、沙律菜和海藻水晶粉，配上芝麻醬，清新開胃！
其次魚籽鵝肝蒸蛋，面層有魚籽作點綴，蒸蛋細嫩，加上脂香的鵝肝，整體蛋味濃郁，香滑美味。
原隻大虎蝦
餐廳選用新鮮海鮮食材，蝦肉食落去彈牙一啲都唔梅，海鮮上面鋪滿蒜粒，同虎克非常之夾。
脆蒜片美國牛小排
本人鍾意食五成熟嘅牛肉，見到牛小排表面燒得非常之香，但係其實肉入邊都係粉嫩色，食落去非常之有肉味一啲都唔韌，價廉物美。
秋田炒飯～ 在鐵板上由生米炒成熟飯，配料有雞蛋、煙肉粒、櫻花蝦、香蔥和紅蘿蔔粒，非常豐富。
甜點
甜品是師傅現場即制的豆沙餅，香滑軟綿
的豆沙餅配上綠茶或紅豆雪糕，味道更佳。
