諗住簡單食啲嘢就去行街，入佐間車仔麵。佢地店面有好有巧思嘅對聯，好港風好年輕化嘅裝飾，仲有免費Wi-Fi，方便食客隨時上網打卡。
我地兩個人，乜都想食下，點多佐都淨係200零蚊埋單，上餸快，又抵食。
豪華十寶麵：公仔麵嗦曬啲牛腩汁，各式美味配料，豬皮、雞亦、瀨尿牛丸、牛腩等等，啖啖肉，啖啖新鮮！一碗滿足曬。
必食厚叉燒（半份例牌）：真係名副其實，必食，叉燒厚切，肉質鮮嫩，甜味適中，不論是搭配白飯或是單食都實在過癮，值得一試！下次再來就直接點一整份。
上湯鴛鴦餃（3隻韭菜餃、4隻菜肉餃）：餃子皮薄餡靚，湯底清鮮，好啱兩個人一齊share。
惹味豬手食肉獸摯愛，韭菜豬手同腐乳通菜解膩一流。同埋呢間有鹹檸七，直接無腦點鹹檸七，正。
1
