海景咖啡廊

Open Now

Now Closed

所謂「食乜影乜先至係寫食評嘅原則」，肥仔奇今次亦唔例外，只會影自己有食過嘅嘢。埋位梗係先嚟生蠔，唔知點解呢度負責揀蠔嗰位硬係鍾意出啲爽口而肉削，但係就好鬼鹹嘅生蠔。新鮮呢就係一定嘅，好唔好食呢就見仁見智嘞。但係肥仔奇唔係太識欣賞呢種生蠔，但係都食到兩打。肥仔奇食自助餐，除非嗰度真係冇乜選擇，否則係情可食煙三文魚都唔會食三文魚刺身嘅。點解？周時四圍都有得食嘛。呢度嘅煙三文魚煙燻味唔錯，不過肉質就散咗啲。巴馬火腿配蜜瓜就有如鹹酸菜炒牛乜嘢一樣，係梗膽孖寶嚟。蜜瓜嘅甜溝埋巴馬火腿嘅鹹，然後一陣蜜瓜味加一陣豬味咁交叉重疊湧出，確係人生一大享受。出面好多自助餐嘅長腳蟹係一隻一隻腳咁上嘅，而呢度係成抽咁上嘅。識食又唔嫌煩就梗係食「蟹摃」啦，最厚肉最鮮甜嘛！呢度另一樣不可不食嘅係烤羊架，平時出去啲串燒店講緊係要六、七十蚊先食到一件，呢度當然係任你食之餘，仲要係羊肉味濃郁兼爆汁。刺身檔有啲好好味嘅日式漬物，酸酸甜甜咁好開胃㗎！呢度嘅燉湯長期都係飲落唔夠火喉，稀咗啲淡咗啲，冇老火湯嘅魅力。如果你有肥仔奇咁深厚嘅唔怕寒涼內功修為，再加上一人等於三人嘅食量的話，你不妨好似我咁响食完兩打生蠔之後嚟一個七球雪糕