Read full review
2021-08-27
11923 views
暑假Staycation最後一擊，揀左尖沙咀凱悅酒店，包標準客房1晚，雙人自助早餐同自助午餐，平日入住，總數$1345.9。自助早餐都係Cafe，分時段，每個時段有1小時15分鐘。我預先預約左9：15到10：30。一齊睇下有咩食啦！首先一入門口仍然係傳説中既多款卷蛋，唔知如果問服務員比唔比你呢？卷蛋隔離就有瑞士凍麥片，巴西莓碗，同四款自製乳酪（原味，芒果，草莓，藍莓）。要請服務員幫手攞。我食左巴西莓碗。好似草莓乳酪加新鮮草莓同藍莓，上面加左少少籽類，味道正常。自製乳酪係原味乳酪加果醬係面，我無試。隔離就係麵包布甸，同牛角包兩款（原味，朱古力）。亦有蜜糖，草莓同杏果沾比你自己畢。鮮莓朱古力蛋糕：居然比我發現麵包布甸對面有鮮莓朱古力蛋糕！早餐食朱古力蛋糕真係好少何。我想講呢件蛋糕係非常好食又唔膩，忌廉好輕盈而朱古力味適中！鮮莓朱古力蛋糕下面有三款無麩質糕點。椰汁沙冰：我相信好多食客都會miss左呢個自製椰汁沙冰，要自己係部機禁出黎。椰汁沙冰既椰香味濃，而且好滑溜，我一人隊左兩大杯。隔離個杯係芒果奇亞籽布甸。點解早餐都有甜品食既？尋日午餐見到既奇亞籽布甸今日都有，仲有四款口味（原味，雜莓，芒
一齊睇下有咩食啦！
首先一入門口仍然係傳説中既多款卷蛋，唔知如果問服務員比唔比你呢？
卷蛋隔離就有瑞士凍麥片，巴西莓碗，同四款自製乳酪（原味，芒果，草莓，藍莓）。要請服務員幫手攞。
我食左巴西莓碗。好似草莓乳酪加新鮮草莓同藍莓，上面加左少少籽類，味道正常。自製乳酪係原味乳酪加果醬係面，我無試。
隔離就係麵包布甸，同牛角包兩款（原味，朱古力）。亦有蜜糖，草莓同杏果沾比你自己畢。
鮮莓朱古力蛋糕
77 views
0 likes
0 comments
鮮莓朱古力蛋糕下面有三款無麩質糕點。
椰汁沙冰，芒果奇亞籽布甸
41 views
0 likes
0 comments
奇亞籽布甸，沙冰，小麥草芒果汁，益力多
71 views
0 likes
0 comments
沙冰有兩款，係黃薑香蕉同豆腐杏仁。豆腐杏仁怪味。不過黃薑香蕉帶淡淡既薑味，都可以。不過兩杯都唔係沙冰，無冰架。
雪櫃仲有小麥草芒果汁，同益力多。
附近仲有多款麵包，包括墨西哥麵包，軟麵包，菠蘿包，白麵包多士，全麥多士，丹麥酥，同其他麵包。老實講，款式就唔算特別多，不過夠食。
隔離居然有即製班戟同窩夫，旁邊有香蕉片，芒果醬等比你自己加。
即製班戟，窩夫
52 views
1 likes
0 comments
班戟軟綿綿又夠濕潤，好好味道，真係喜出望外！我加左芒果醬同瓜子一齊食。
芒果醬班戟，鮮莓朱古力蛋糕
37 views
0 likes
0 comments
之後就到冷盤區。
原個水果，椰子水
40 views
0 likes
0 comments
首先見到三款原個水果，包括橙，梨，蘋果。隔離居然有椰子水！
椰子水
35 views
0 likes
0 comments
椰子水味道係正常。
水果
31 views
0 likes
0 comments
水果有切塊既西瓜，火龍果，哈蜜瓜，菠蘿，蜜瓜，質素正常。
果汁色彩繽紛，有5款，包括橙汁，西柚汁，西瓜汁，蜜瓜汁，甘筍汁。我無飲，因爲忙緊飲椰汁沙冰！
穀物有四款，包括粟米片，全麥片，脆米等。Toppings有南瓜籽，葵花籽，提子乾，燴西梅等。鮮奶有三款，分別係全脂奶，脫脂奶，同杏仁奶。杏仁奶好香杏仁味，不過好淡。
凍肉
30 views
0 likes
0 comments
凍肉有巴馬火腿，煙三文魚，同另外兩款火腿，隔離有Bagel同三款芝士（軟芝士，伊丹芝士，安達文芝士）。我試過煙三文魚同軟芝士，質素正常。同行友人話巴馬火腿好好食。
沙律
29 views
0 likes
0 comments
沙律就失望啦，得一兜沙律菜，加幾款配料如車厘茄，粟米粒，青瓜粒等，同幾款醬料。青瓜粒無味。車厘茄同粟米粒就好少少。
冷盤區之後外圍就係熱食區。熱食區分好多唔同菜式，除左一定有既西式同中式之外，仲有日式同印度區。
日式
34 views
0 likes
0 comments
日式食物有：
大阪燒三文魚：幾好味又唔膩
燒鯖魚：燒得皮脆肉香，我encore左幾次
日本漬物
日式紫菜白飯
麵豉湯
粉麵檔好似同午餐一樣，不過幼麵轉左米粉，另外仲有油麵，配料有牛丸，魚蛋，紅腸，豆卜，菜心，生菜。菜心非常鮮嫩，而同行友人話米粉好好食。
米粉
20 views
0 likes
0 comments
點心有蒸饅頭，奶皇包，菜肉包，豬肉燒賣，珍珠雞。同行友人話豬肉燒賣好食。
粥係肉碎粥。隔離仲有油炸鬼，炸素春卷，同豆漿。豆漿怪味，而油炸鬼唔脆。
其他中式食品有XO醬炒腸粉，咖哩豬皮魚蛋，
清炒時蔬，醬爆四季豆
31 views
0 likes
0 comments
清炒時蔬，醬爆四季豆（係幾好味既），
豉油皇炒米粉，肉丁炒飯。
西式
25 views
1 likes
0 comments
西式食物就係另外一邊，有：
Egg Benedict, 法式多士, 雞肉腸, 炸薯餅
25 views
1 likes
0 comments
炸薯餅：香脆
番茄汁焗豆
Egg Benedict：可以自己夾，唔洗等。蛋汁流心，好好味，不過下面塊火腿就麻麻地
烚蛋
法式多士：超脆，加少少糖漿好好食！絕對要encore！
雞肉腸：有兩款，白色個條麻麻地
烤車厘茄
炒蛋
煙肉
奄列
19 views
0 likes
0 comments
當然有即製奄列，不過要排隊，後期就唔洗排。有6款配料，包括芝士，燈籠椒，火腿等。好大份，要分享好d。芝士拉絲，略嫌雞蛋太熟。
最後就係印度區，有5款，分別係印度扁豆咖哩，印度素菜咖哩，印度式炒飯，印度蒸飯餅，印式香脆薄餅。我無食。
總括而言，今餐自助早餐真係好驚喜，我覺得野食選擇好多，連甜品，沙冰，同特別少少既肉類都有（如大阪燒三文魚，燒鯖魚），好多野食，而且好多野都好食。餐廳基本上坐滿，不過好多食物都唔洗排隊，夠時間食到飽飽，同埋夠鐘服務員都唔會叫你離座，會比你坐多陣。座位舒適，今次我地霸左四人座卡位，自成一角，裝修都特別。今次staycation過得好開心又唔洗同人逼，正！
Post
