Read full review
2021-01-11
798 views
呢一間Bookmark咗好耐嘅餐廳,終於有機會試一試,成日見到人影好大塊嘅煎餅,輪到我啦🤣🔸原味煎餅Plain Dosa $50嘩,見到實物真係好大個😝我諗大家都係比呢樣嘢吸引左過嚟,見到有印度人都食!煎餅好薄好脆,好香牛油味,我唔客氣就用手食啦,不過呢會食到成手油😂旁邊有四款印度醬汁俾你點,不過我都唔係好識形容係咩味,有款有椰子香、有款就酸酸地,總之就係印度香料味😂煎餅凍咗之後會比較煙韌,唔錯😋🔸蒜蓉烤餅 Garlic Naan $40烤餅同煎餅完全唔同,比較厚身,咬落口感軟熟,不過我覺得蒜蓉味唔夠🙈🔸印度式炸雞$60一上菜覺得啲雞超級紅,究竟落咗啲咩染料呢🤣相信都係香料。雖然呢隻紅色有啲奇怪但係食落又OK喎,熱辣辣,外面夠脆,好食!🔸雞肉瑪沙拉Butter Chicken Masala$110黎印度餐廳點都要叫返一個印度咖喱啦,啱啱好可以俾我哋點烤餅食,味道比較濃郁,雞肉份量好少主要都係咖喱汁,略嫌牛油味唔夠濃,之前喺重慶大廈食過一間Butter Chicken 個人覺得牛油味香啲更加好食😛始終印度野都係比較重香料味,間唔中食一次都OK,如果日日食嘅話我handle唔到🤣不過呢間餐
🔸原味煎餅Plain Dosa $50
嘩,見到實物真係好大個😝我諗大家都係比呢樣嘢吸引左過嚟,見到有印度人都食!煎餅好薄好脆,好香牛油味,我唔客氣就用手食啦,不過呢會食到成手油😂旁邊有四款印度醬汁俾你點,不過我都唔係好識形容係咩味,有款有椰子香、有款就酸酸地,總之就係印度香料味😂煎餅凍咗之後會比較煙韌,唔錯😋
🔸蒜蓉烤餅 Garlic Naan $40
烤餅同煎餅完全唔同,比較厚身,咬落口感軟熟,不過我覺得蒜蓉味唔夠🙈
🔸印度式炸雞$60
一上菜覺得啲雞超級紅,究竟落咗啲咩染料呢🤣相信都係香料。雖然呢隻紅色有啲奇怪但係食落又OK喎,熱辣辣,外面夠脆,好食!
🔸雞肉瑪沙拉Butter Chicken Masala$110
黎印度餐廳點都要叫返一個印度咖喱啦,啱啱好可以俾我哋點烤餅食,味道比較濃郁,雞肉份量好少主要都係咖喱汁,略嫌牛油味唔夠濃,之前喺重慶大廈食過一間Butter Chicken 個人覺得牛油味香啲更加好食😛
始終印度野都係比較重香料味,間唔中食一次都OK,如果日日食嘅話我handle唔到🤣不過呢間餐廳都值得一試嘅!
Post