_
【冰鎮荔枝西紅柿 $68 🍅】
去皮番茄仔浸喺荔枝汁入面 食落除左帶番茄本身既酸甜外 仲多左荔枝既清甜 整體非常清新開胃 夏天食一流啊！
_
【八味金磚 $68 🍢】
豆腐炸得非常出色 外層香脆內裡則保持軟綿綿 加上八味粉 更為香口惹味！
_
【黑蒜燉竹絲雞 $58 🥣】
呢款燉湯用上黑蒜熬製而成 有增強免疫力之用外 味道亦特別香濃！尾端仲有竹絲雞既鮮甜味 非常不錯！
_
【冰鎮咕嚕肉 $108 🍍】
咕嚕肉藏於一大座冰入面 食落外冷內熱 配上酸酸甜甜既糖醋汁零舍有夏日既感覺 不過稍嫌豬肉肥瘦唔夠均勻同埋味道唔算特別香 但單係冰火concept已經夠晒啦😆
_
【紅酒牛肋骨 $328 🥩】
全餐摯愛菜式！牛肋骨經細火慢燉 肉質細緻軟腍 非常入味！醬汁亦調配得非常出色 帶淡淡鮮茄味道 而且充滿紅酒香 佢既微酸搭上牛肋骨既脂香正好有解膩之用！
_
呢度食物質素雖然唔能夠同啲出名既中菜館相比 但整體水準確實不俗 食得出有心思有誠意 加上價錢合理 同屋企人簡簡單單黎食餐飯都係非常之唔錯既選擇喔！😚
