餐廳位於寶勒巷地庫，相當低調，雖然餐廳門口有2個例牌泰國女木偶，但唔覺眼都會Miss左。
入到去餐廳相當大，牆上有一部大screen播緊明珠台，侍應大部份都係泰國人(當然會講廣東話)。
我哋三個朋友叫咗三碟嘢食share:
1 炒金邊粉：中泰朋友表示雖然略嫌太甜，但味道不錯，份量亦夠多，上盆時好夠熱！
2 冬陰公湯河：總括尼講都好食，但不要要求係正宗，一尼湯河只係普通中式河粉瞬間吸晒啲湯，二尼湯底無乜香茅同其他香。
3 海南雞油飯：雞肉相當嫩口，配上的醬汁都好惹味，可惜飯同普通白飯味道冇乜分別，黃油面唔出。
✔️總結：三個套餐都有跟飲品，成張單夾埋都只係153蚊。如果係尖沙咀，多人，筆直又有限的話，只要唔介意不是正宗泰國菜(咁嘅價錢不要要求過高！)，當一個午餐絕對抵食。
PS如果想食正宗泰國菜去九龍城啦。
1
