Yeh Hiu

一直都好中意食Fushion菜，星期二晚黎到呢間餐廳都差啲Full House，應該都好受歡迎～一入到去就望到有好多鳥籠嘅燈，而且燈光偏暗，都有啲似酒吧，幾適合把酒談心嘅地方。呢度分兩層，上層係餐廳，下層主要係飲酒同食水煙嘅地方～

因為名叫夜梟所以有好多貓頭鷹？

有好多鳥籠做燈飾，帶點中國風

先寫覺得最新奇同好食嘅嘢！

Dessert-鬼馬油炸鬼 $58 |
見到個名就已經好想叫，其實佢係Churros，炸得好脆而且玉桂味都好香～重點係個朱古力醬，原本以為係甜嘅，但原來係辣味朱古力，感覺好新鮮，食到唔想停～

Churros 脆口配辣朱古力醬感覺好新鮮，食到唔想停

$58

光輝歲月 $78 | 
呢個薯條並唔係一般薯條，佢係用白薯（即係平時食開個啲）、日本紫心薯同埋蕃薯去整，全部都炸得好香脆。我個人就中意食蕃薯條，咬落好實淨，但又唔會有太甜嘅蕃薯味，仲有配埋黑松露醬，每一啖都好香～

由白薯、紫薯同蕃薯條配黑松露醬

$78

慢煮叉燒配咸蛋意大利飯 $158 | 
個叉燒因為係慢煮所以都好香淋，而且咬落無肉絲或者渣，蜜糖味都好足，但唯獨個飯嘅咸蛋味同意大利飯就唔係特別鹹香，但都算好食。份量方面，覺得一個人食就會有啲濟，兩個人食份量又有點少，所以就叫多左啲頭先介紹嘅小食。

份量有點少，叉燒香淋，咸蛋 Risotto 味到幾特別但食唔慣

$158

Cinnamon Lover $128 |
呢度嘅Signature Cocktail，味如其名，玉桂味好重，飲落都不錯～

Signature Cocktail - Cinnamon Lover

野菌松露忌廉湯 $98 |
因為朋友每去一間餐廳都會飲忌廉湯，所以就叫咗啦。個湯松露味係好出，質感都好夠Creamy，但下次會想試花膠響螺龍蝦湯～

綜觀黎講覺得 Fushion 菜而言佢價錢都算合理，小食同甜品暫時出色過主菜，所有菜式都做得幾精緻，下次會再黎試～