KOKA (MONTEREY Place)

今日嚟到小野人食晚餐，環境好舒服。呢度用QR code落單好方便，同時亦好貼心有個爐響枱面烘住食物唔會凍。

大漠烤羊肉串：肉質唔乾嫩滑，不過唔食辣既朋友記得響備註寫走辣，因為口味偏辣。

烤雞肉：食落肉質嫩滑唔乾，輕烤過後甜甜地。

金針菇牛五花卷：烤得保持到有肉汁唔會過火焦燶。

蒜蓉烤生蠔：蠔肉唔腥烤完都好多汁，仲有工具附助去食。

墨西哥烤玉米：粟米扒有沙律醬，七味粉，咬落每粒都有水分。

蒜蓉烤茄子：燒得岩岩好，唔乾之餘唔會偏咸，成條茄子肉起到出嚟。

黑松露芝士撈丁：一上枱外表非常吸引，撈勻芝士同黑松露後食完一啖接一啖，記得要襯熱食。

爆檸梳打：大大杯唔會太甜，解膩之餘幫助消化。