Paradise Dynasty

每次想食小籠包，都會諗起呢間樂天王朝。
一入到坐佢就會上一碟栗子花生比食客做前菜
第一樣叫嘅就係李白醉雞。雞肉都算嫩滑，而且酒味香濃，好入味，好食！

第二樣叫嘅就係呢一個賽螃蟹。蛋白好滑，加上加咗瑤柱絲係入邊，有一陣咸鮮味，撈埋個蛋黃之後送飯一流。

然後唔少得嘅就梗係小籠包啦。小籠包粒粒都肥嘟嘟，充滿肉汁。咬開仲熱辣辣食完之後有啲衝動想叫多籠添

最後嘅就係呢個話梅骨。話梅骨個汁調得唔錯酸酸美美咁，非常開胃，送飯一流。

因為自己都鐘意食小籠包嘅關係，所以間唔時都會黎尼度食。老實講啲野食水準都有啲飄忽，但今次好似樣樣都幾好咁，唔錯。