1
1
八色中我試左其中既鵝肝，黑松露同埋川味小籠包，果然名不虛傳，味道非常不錯，鵝肝，黑松露味道好出，但整體依然還是傳統小籠包味道，味道組合創新得嚟不會過火，下次應該要一人一籠試晒八件先夠皮。另外新張期間"只送不賣"既辣椒螃蟹小籠包更加驚喜，成隻都係蟹肉同濃郁既蟹湯汁，連豬肉都無加到，滿口都係微辣而濃烈既蟹香，只要你叫一籠八色小籠包再share fb就送5隻俾你，好抵食
1
芝麻醬油麥菜超級驚喜，無諗過原來生食油麥菜係咁好食，點埋芝麻醬好開胃，好想返屋企即刻自己試下整，但唯獨係芝麻醬同一般市面既芝麻沙律醬味道太類同，雖然味道好夾但如果係自家製相信口味可以調配得更獨特。紅油抄手皮薄餡多，索埋紅油一啖一件味道不錯。
1
1
李白醉雞絕對係水準之作，我自己煮醉雞都算頗有研究，依度既醉雞絕對係我食過最好食之一，雞肉嫩滑，醉雞汁酒味香濃味道調得剛好，不花巧卻恰到好處。另外全晚最喜歡的絕對係賽螃蟹，蛋白推得很靚口感非常似蟹肉，撈上蛋黃汁同陳醋異常開胃，看似簡單既一道菜卻非常之考功夫才可煮得咁出色。最後既甜品驢打滾係非常完美既落幕，糯米皮香軟配上清甜既紅豆蓉，明顯係即製即捲既新鮮甜品。
1
1
非常滿充既一餐，絕對值得返轉頭再試其他款式美食
2
