香港仔茶餐廳 (Closed)

係一片死寂嘅尖沙咀，見到呢間以前似係做遊客生意嘅食店，提供點心、小炒、茶餐等等唔同嘅食物選項，價錢又唔係好貴，就即管試吓。首先叫咗個魚香茄子飯，$58嘅魚香茄子係熱辣辣一煲上，芡汁同油冇分離，唔覺得肥膩，令人幾有驚喜。不過個$30嘅XO醬煎蘿蔔糕就好得人驚。XO醬係一大Pat，幾慷慨，但煎蘿蔔糕係燶到焦黑致癌程度。出嚟食嘢，麻煩夥計拎返入廚房就無謂，post出嚟仲有警世作用。