今次又同男友喺屯門行街，行到咁上下見餓就又搵下有咩好食，之前經過見呢間韓式Cafe裝修好靚，環境幾寛鬆，又成日滿座，一直都想去試~呢次經過見咁啱有位就入咗去試~
🧡玫瑰醬無骨炸雞（$108）
炸雞必點！好少會做到咁juicy同嫩滑，外脆內嫩，配搭嘅年糕同薯條一樣高質！
🧡韓式雜莓牛角包窩夫（$72）
牛角包窩夫係即叫即做，記得要提早叫定~
牛角包窩夫食落有陣濃厚嘅牛油味，個酥皮好香脆，表面加咗蜜糖，配上Cream同雜莓食好夾好balance，同樣必點！
🧡玫瑰醬燴雞腿肉蛋包飯（$138）
賣相色水非常得，份量亦都十足！店員會喺你面前切開隻流漿蛋，視覺效果一流！流漿蛋好嫩滑，三件大大件嘅嫩滑雞腿肉配上佢個特別嘅玫瑰汁確實食得好爽！
🧡牛肝菌蛋包飯（$102）
菇菌愛好者注意！呢個蛋包飯啱哂你，啲雜菌雜菇炒得香氣十足，個牛肝菌汁又同滑蛋珍珠米好夾，入口smooth，蛋味香，成件事就似係歎緊一道香氣過山車~
🧡燒醬油黑毛豬白切肉配大醬生菜（$162）
五花肉肥瘦均勻，表面燒得焦香，厚薄剛剛好！用生菜同紫蘇葉夾住加埋蒜片、青椒、泡菜、韓式辣醬等一齊食就係爽！
🧡夏至士多啤梨香蕉奶昔（$48）
酸酸甜甜，入口Creamy舒服！
🧡士多啤梨鮮奶咖啡（$48）
比較少見嘅配搭，甜甜地幾好飲！
