潮滙館 (Closed)

大家約埋去食潮州嘢，緊係揾間坐到小朋友又就大家腳嘅，就㨂左「潮滙館」未黎食過，好多嘢都想試，一見隔離枱放左咩餸都想叫番碟！🥢普寧豆腐-🈵分！必食之選！因為我係唔食豆腐，除左日本豆腐，呢個我係會因為佢嘅豆腐而再番黎食！外脆唔在講，內裡係軟軟滑滑，食到你唔停口！🥢酥炸鱔片-鬆脆，肉係實在，好正！🥢豉油皇鵝腸-夠晒爽脆，又夠味，恰到好處！🥢鹵水三拼（鵝片、墨魚、鵝肝）-冇得輸，鵝片肉身夠軟、入味，鵝肝更係味道濃，又夠香滑，而墨魚🦑爽爽的！🥢煎蠔餅-蠔餅略嫌濕濕咁，個人口味問題，我比較鐘意再乾身啲！🥢瑤柱蛋白炒飯-要叫比小朋友食，本來冇咩期望，點知佢炒得夠火喉，炒到一粒粒，香香的，會不自覺食多咗！🥢糖醋雙面黃-嘩！呢個原來小朋友係不停咁食，好受歡迎嘅一道菜！炸得脆脆，香口，當然大人都十分喜愛啦！🥢鮮蝦砂鍋粥-本來想叫個蟹粥，但點知不幸地賣晒，所以唔抵得點都叫番個蝦粥黎食下，暖下個胃！粥夠綿嘅，係鹹咗少少。🥢碧綠川椒雞-呢個小菜又幾好味喎，又係一個意外驚喜😋🥢滷水蛋-都係比小朋友食嘅，亦係比大朋友掃晒！入味、冇失望！另要抵讚嘅係員工們都好好，又細心，尤其對小孩，佢地冇嫌我地啲小朋友坐唔定，會好温