越旺美食 (Moved) New Location

［越式美味小店］大角咁太多好野食，可惜大部分都係小店比較早收。夜左少少好難搵野食，好在有佢。越南野一定要試嘅係生牛河啦！仲有雞絲河，蝦餅同越式粉包。生牛河有齊面頭嗰啲配料，好搞笑地佢個青檸係好似檸檬茶咁片上的！牛肉有點過熟但味道不俗。雞絲並不是絲，係幼雞件，仲要帶住雞朳舊皮的，味道普通。炸蟹餅十分出色，加個泰式辣醬好野味！越式粉包入面嘅料好足，粉包個皮唔係好薄不過可以接受。野飲仲要有半價，抵食！！