【主菜】
・鰹魚熟成封門牛柳配炊飯 ($168)
牛柳上碟時已經切好埋，餐廳預設5成熟，今次呢個見到中間仲有少少血水，應該大概得3成，如果想熟啲就要點餐時提出。牛柳既牛肉味比較濃，細心品嚐之後淡淡地有鰹魚香味，好有特色。但牛柳有啲位置會有筋就難少少咬開同切開。唔知係咪晚上黎食既原因，日式炊飯偏乾同硬身。而佢地配菜新薯就做得好好，外面煎到好香，入面軟淋。
1
・北海道帶子松露醬忌廉烏冬 ($138)👍🏻
黑松露味好足好香，帶子煎到剛剛好熟，食落軟淋得黎有口感同鮮味。個醬汁好creamy，加埋烏冬一齊食好夾。
1
【甜品】
・法式多士 ($58)👍🏻
呢個多士睇得出係即煎，夠熱之餘外脆內軟，蛋香好足😆 雪糕就要另加$20，想試冰火既朋友仔就唔可以錯過。如果係生日或慶祝，餐廳仲可以係碟上面寫埋字同加蠟燭，好貼心👍🏻
1
【環境】
餐廳設計好用心，坐唔同枱都可以打卡。同朋友黎小聚、慶祝生日或者情侶約會都係唔錯選擇👯♀️
