徐記廚房(點心) (Moved) New Location

在旺角太子站附近，想找鋪頭食飯，食完就坐車返大陸家鄉 。附近有好幾間點心店，其中一間是徐家廚房，心想，唔洗排隊食完就走，冇咩所謂，意外驚喜，就此刻開始。店內是即叫即蒸的點心，先叫鳳爪排骨飯及虎皮尖椒。飯蒸得剛剛好，飯粒入口粒粒分明，絕不糊口，鳳爪排骨又入味，加上甜豉油，絕配。虎皮尖椒，魚肉彈口，問問老闆，原來是自家制手打魚肉，跟著老闆就推介豬潤燒賣， 用新鮮豬潤及手剁豬肉做成， 真材實料，食落口完全有童年回憶!簡單的午飯，是意外的精彩!