Yayakiya

訂左位晚上6點和朋友入座，試下呢間望落好正宗既日本串燒，店員推介即開生蠔的，但朋友怕食生冷野無叫，咁就食番主力既串燒啦，落完單店員就上左一盤和風汁椰菜沙律，心諗我都無叫，原來話正宗博多串燒會跟一盤椰菜沙律，可以減輕油膩感，好爽脆，正。
燒明太子是醃制過的明太子，味道濃厚偏咸，所以襯番青瓜一齊食都唔錯。芒果橙汁桑梅汁特飲有新鮮橙肉，唔太甜，配串燒食唔錯

燒明太子

芒果橙汁特飲

串燒方面叫左蘆筍豚肉, 大蔥雞肉, 燒白鰻魚, 和牛壽喜燒, 用料很新鮮, 燒得剛剛好, 保留到肉汁, 比較特別是和牛壽喜燒, 朋友食完說入面的蔬菜很好味, 但係我食個舊就係包腐皮, 原來叫壽喜燒串係指和牛包住壽喜燒火鍋常用配料, 唔單單指壽喜燒汁, 仲有蛋黃汁跟埋可以點, 真係好貼題

蘆筍豚肉串

大蔥雞肉串

和牛壽喜燒串

燒白鰻魚

跟住係今日主角海膽三文治, 海膽鮮甜, 配蟹籽, 炒飯, 夾住有d咸咸地似蝦餅既威化, 咬落去好有層次, 好特別

海膽三文治

明太子烏冬, 面質夠滑夠煙un, 面頭有紫蘇葉碎, 加左鰹魚冷面汁, 本身已經有好多明太子, 但係我自己撈埋之前個d偏咸既燒明太子同點淨既蛋黃汁落去, 呢個係自創食法, 哈哈, 味道更上一層樓

明太子冷烏冬

甜品選擇唔多, 但夠日本風味, 呢個黃豆粉同綠茶粉蕨餅就夠唒正宗, 唔太甜, 唔錯

黃豆粉, 綠茶粉蕨餅

場內有好幾枱日本人結隊聚餐,  十足去左日本居酒屋咁, 可惜走出去係尖咀街頭啦...