好運泰國美食 (Moved) New Location

附近一田大減價，同媽咪血拼完就上網search下有咩好食，搵到呢間泰國嘢，媽咪又鍾意食辣，見到佢評價都幾好所以就去試下我哋一行二人叫咗個小食拼盤，拼盤有蝦餅、豬頸肉、炸皮蛋球同埋香茅雞翼，原來份量都幾大 ，我地又嗌咗一份生蝦，一碟蝦頭膏炒飯同埋一杯龍眼冰，店員好細心，聽到我哋嗌幾樣嘢都係蝦，又提議我哋試多啲唔同嘅嘢，不過我同媽咪都係好鍾意食蝦嘅，講下個生蝦先啦，一客有8隻，都係賣七十幾蚊，好抵食，爽口新鮮，值得一讚係佢哋個生蝦汁酸酸辣辣又開胃，蝦頭膏炒飯有三隻大蝦，蕃茄，洋蔥等配料，炒得好有火候好香口依家天氣咁熱，飲埋杯龍眼冰真係消暑一流嘅選擇 ，杯龍眼冰有成七至八粒龍眼好足料好清甜 ，唔會一味得個甜字拼盤嘅炸物都做得好出色，外表炸到金黃色，唔會太燶，尤其係蝦餅，係我嘅推介價錢合理，服務態度好好會介紹朋友幫襯