三希樓 (Closed)

早幾日突然想食水煮魚，朋友介紹黎中環半山三希樓，我要求魚要滑，無骨，有魚味，最後食完無令我失望，全部合符我要求，我叫左桂花魚，係我食過最好食嘅水煮魚！！我同朋友仲叫左辣子雞丁（叫廚房轉左做無骨嘅雞丁，因為細粒會入味之餘又無骨）另外上湯豆苗同尖椒皮蛋！個辣子雞丁又係一絕，又夠入味夠麻夠辣，我朋友連啲辣椒粒都用黎送飯....哈！環境方面坐得幾舒服，我地因為即日訂枱所以要上22樓，（有人話樓下再好食啲，下次會試下！）服務都唔錯，最美中不足係無晒加多寶飲...，雖然價錢偏貴，兩人埋單$920，但係個魚同辣子雞丁絕對值得再返黎食。