戀上生煎包（4隻）$38
生煎包皮薄，入面足料，一咬落去就爆汁，幾唔錯。
基隆市甜不辣 $58
甜不辣配上椒鹽粉，點埋酸酸甜甜嘅醬汁，好惹味。
戀戀蚵仔煎 $68
好耐冇食蚵仔煎，今次食到蚵仔煎好開心，好有去左台灣夜市嘅感覺。蚵仔每粒都好飽滿大粒，啖啖都食到蚵仔。
戀上三杯雞 $88
熱辣辣以煲仔上，以大蒜同薑片爆香左，食落好惹味。唔會太油，雞件食落都幾滑嫩。
台灣胡椒蝦 $168
第一次食胡椒蝦，有五隻好大隻嘅蝦。胡椒味真係好香，食落辣辣地好惹味，胡椒味濃，但蝦肉都不失鮮甜彈牙。朋友話佢會為左個胡椒蝦再黎食呢間餐廳。
紫戀葡萄 $40
奶蓋口感濃稠，鹹鹹甜甜。底下葡萄綠茶甜甜地，同奶蓋都幾夾。
粉戀瑰荔 $40
我個人比較鐘意呢杯，同樣都係有奶蓋，但底下嘅茶有玫瑰同荔枝香，飲落比較清香。
