位置雖然遠少少，但係好有驚喜。
餐廳有卡位，適合三五知己黎小聚。
打邊爐飲下酒咁。
醬料盤係九宮格，款式應有盡有👍🏻👍🏻👍🏻
叫咗個養生湯底＄98
店員先將茶樹菇、其他香菇、粟米等食材放進鑊中，再加入湯底煮熟
並貼心提醒，飲啖湯先好打邊爐😙
湯底非常清甜滋補，飲咗幾碗先開始打邊爐😍😍😍
冬天飲更加暖粒粒❤️❤️❤️
推介花雕肥牛$108
個人好鍾意食啲有酒味嘅嘢🤤
又鍾意食牛肉！
呢個配搭，一次過滿足晒我兩個願望❤️❤️
花雕味香，又唔會蓋過牛肉味
牛肉嘅脂肪唔會太多。
超。好。食🤗🤗🤗
羊肉片＄75
有羊羶味！肉質有口感。
蟹子墨魚滑$88
口感彈牙，食到粒粒墨魚。好滿足。
花甲$108
大粒鮮甜。又可令到個湯底更甜。
皇帝菜＄38
平時打邊爐叫菜好貴，
呢度價錢合理，份量多又新鮮！
皇帝菜打邊爐必叫之選！
（仲有好少見既唐萵！）
總結覺得餐廳幾有誠意，
位置上雖然較遠，
但以咁嘅價錢，質素俾好多大商場嘅食肆都要有心同有d特色。👍🏻
大家可多多支持小店呢！
