鳥羽名古屋料理 (Closed)

前一晚宿醉，咩都唔好講飲麵豉湯先。越飲越覺咸咗小小。麻醬番茄，原來麻醬響底，得小小，不過番茄本身夠晒清甜唔使汁都得。勁香面豉醬點新鮮蔬菜。象拔蚌刺身，爽口鮮甜，真係好甜，仲有兩款食法。呢個拖羅真係肥到不得了，如果唔係佢有少少筋位直情你咩都咬唔到，因為一入口已經溶晒。油香響你口腔內爆發嗰一下真係講唔到野。海膽同三文魚子呢兩款孖寶又係冇得彈，三文魚子鹹鮮，海膽又甜又鮮。一口熱爆蛋漿脆腐皮，招牌就是招牌。雞翼唔好睇佢細細隻，外皮香脆，肉質嫩滑，醬汁味道仲好香濃獨特。食埋兩個甜品飽晒。