Lagom Kaffe (Closed)

同好友喺佐敦食完午飯，意猶未盡，上網搵間coffee shop坐低再傾過。咖啡店位於新落成嘅商廈一樓，四點幾嚟到唔使等位，揀咗窗邊高枱坐低。呢度地方都算大，除咗二人枱嗰邊比較密啲外，其他地方坐得都頗舒服。食物方面，我同好友揀咗：鮭魚牛油果香草三文治三文治係用咗一大塊厚切sough bread，包身比較硬，用刀叉切嚟食比較麻煩 😅。三文魚份量頗多，仲有魚子芝士溫泉蛋同香草，旁邊仲配埋不少沙律菜。個人覺得如果用蛋白碎蛋代替溫泉蛋比較好，唔會整到其他配料濕晒。炸魚薯條炸魚薯條一上枱，比想像中唔同，啲炸魚顏色比較深色，同埋唔係一塊塊。另外個醬汁同個炸魚唔夾，大家都係辣嘅，我同好友唯有叫侍應攞支茄汁俾我哋 ，如果配傳統嘅他他醬會好啲。飲品方面叫咗2杯㗎啡，拉花及味道一般，好友更認唔到佢杯咖啡拉嘅圖案 🤣。