芒果麻糬可麗餅
餅皮新鮮整出黎熱辣辣而且好煙靭，芒果好甜，加埋d cream就岩岩好，麻糬係細細粒既手工麻糬好有咬口，同埋值得一讚既係食到最後都仲可以食到餡，唔會得返個皮！
所有可麗餅都係即叫即整，我地等左大概六至八分鐘，買完之後老闆娘提我地如果唔想等咁耐下次可以打電話嚟落單先😍
朱古力雪山曲奇椰奶冰
呢個刨冰好有驚喜，同出面一般用牛奶整嘅冰唔同，佢哋專登用咗椰奶去整，椰香味好重，老闆解釋個理念係因為唔係個個都食得奶製品，配搭埋朱古力雪糕同埋oreo，層次感好豐富！
但係因為用椰奶整而唔係用水刨再落醬，所以比較易溶，我哋企咗喺度即場食食到最尾都就黎溶晒，所以如果想保持最佳口感最好即場食
我哋嗰日去到有個買滿35蚊送輕量版既糖水優惠，但係都絕對唔馬虎，佢哋送咗自家製仙草，食得出先草味好濃，甜度啱啱好
蛋白燉鮮奶
因為啲甜品全部都太好食，所以我哋忍唔住加錢買咗個燉鮮奶，奶味好重，而且好滑，值得加錢試埋佢！
整體嚟講呢間小店好有驚喜，我對呢啲家庭式經營嘅小店特別冇抵抗力，而且感覺到老闆一家好有心思，係真係鍾意整好食嘅甜品比附近街坊食，大家經過嘅話可以試吓支持吓佢哋❤️
Overall: 9.5/10
1
1
