3
家姐啱啱生完BB，帶佢嚟Non Kitchen食返餐好嘅。餐廳位置方便，由牛頭角站B6 exit行5分鐘左右就到。用餐環境幾舒服，枱同枱之間有適當距離唔會覺得好侷促，方便傾偈。星期五晚嚟到都差不多滿坐，所以建議book定枱。
27
我哋叫咗個二人dinner set $498再加多少少錢upgrade部份食物。食物質素幾高，尤其是炭燒美國豬安扒，好有驚喜。食物份量好大，食到好飽。
前菜有Caesar salad同埋雜豆沙律 (係是日沙律)，芝士味濃郁，雜豆仲有好多我好鍾意食嘅粟米🥰
餐包有好香嘅黑松露醬 好香好好味
我哋仲加咗$8有日本清酒煮蜆, 係九月份優惠, 蜆肉都算新鮮淡淡清香
主菜我哋揀咗炭燒美國豬安扒同埋西班牙海鮮飯 (+$58)
豬安扒肉質好嫩滑又Juicy仲有好濃郁嘅炭香味，超鍾意食，仲配有薯菜，薯蓉又有黑松露好香。而海鮮飯就濕濕地仲好多蜆肉
甜品我哋叫咗一個Tiramisu同埋一個雪糕泡芙
個set仲包兩杯飲品，非常抵食! 最後食唔晒要打包部份食物。服務都唔錯, 會再返嚟食!
