上海榮華川菜館

Open Now

Now Closed

食上海菜嘅良心店真係唔多，觀塘呢間係其中之一。中午嚟到，簡簡單單叫個回鍋肉客飯，白飯轉我最鍾意嘅菜飯。先嚟碗例湯，係西洋菜煲瘦肉，入面仲有冬菇，勁足料，味濃之餘又唔覺有味精，飲完唔使扯水，啱哂勁缺湯水嘅我😂。回鍋肉味道同份量正常，亦冇乜一般上海菜嗰種油膩感覺，唔錯，不過美中不足係冇我鍾意嘅豆腐乾。另外，餐具衛生都有進步空間。幾鍾意呢度夠庶民，豐儉由人，你食個四十幾蚊嘅回鍋肉客飯又得，叫個九十幾蚊嘅炒鱔糊客飯又得，得咗😆。