Video
Read full review
2020-06-27
1712 views
「客室涼夏闊，遠山入庭來」～一進門就見到依句俳語。當然，香港租貴，所以室既不闊，亦無遠山入景。但正如好多久未回鄉嘅香港人一樣，入去Sukiyaki Mori Kyuu，望下日式裝潢，多少可以解解鄉愁。響香港，食壽喜燒嘅店唔多，我暫時食過3間壽喜燒店。第一間係Hana華小料理屋，第二間係日山，Sukiyaki Mori Kyuu，久聞大名，唔少人食過都讚好。今次終於有幸一試。Mori煮法似關西風。所謂關東風關西風，分別在於落調好嘅汁先定煎牛肉先。不過咩風都唔打緊，好食就得。叫咗一豬一牛。師傅自己都話：「其實豬肉點都唔夠牛肉好食，因為要全熟。」所以我都唔多講啦，大家鍾意可以一戰。牛肉嚟講，我食過嘅三間店Mori最花心機，一個set入面有4款部位，包括肉眼、西冷、肩膀兩款，共4大塊。連埋前菜飯甜品，其實好夠飽。我個人最鍾意西冷，油脂最合適，亦最稔。好多人都會講嘅和牛蛋飯，其實唔錯。不過前面啲肉太好食，相對而言佢放響set嘅尾聲，似係為咗填飽個肚。話說明治剛開始維新時，大力鼓吹人民食肉。但係深受佛教文化影響嘅日本人係好抗拒。聽聞啲日本人食壽喜燒果陣仲會響客廳同佛堂貼上「遮掩紙」掩人耳目。不過咁
一進門就見到依句俳語。當然，香港租貴，所以室既不闊，亦無遠山入景。但正如好多久未回鄉嘅香港人一樣，入去Sukiyaki Mori Kyuu，望下日式裝潢，多少可以解解鄉愁。
響香港，食壽喜燒嘅店唔多，我暫時食過3間壽喜燒店。第一間係Hana華小料理屋，第二間係日山，Sukiyaki Mori Kyuu，久聞大名，唔少人食過都讚好。今次終於有幸一試。
Mori煮法似關西風。所謂關東風關西風，分別在於落調好嘅汁先定煎牛肉先。不過咩風都唔打緊，好食就得。
叫咗一豬一牛。師傅自己都話：「其實豬肉點都唔夠牛肉好食，因為要全熟。」所以我都唔多講啦，大家鍾意可以一戰。
35 views
0 likes
0 comments
43 views
0 likes
0 comments
牛肉嚟講，我食過嘅三間店Mori最花心機，一個set入面有4款部位，包括肉眼、西冷、肩膀兩款，共4大塊。連埋前菜飯甜品，其實好夠飽。我個人最鍾意西冷，油脂最合適，亦最稔。
11 views
0 likes
0 comments
好多人都會講嘅和牛蛋飯，其實唔錯。不過前面啲肉太好食，相對而言佢放響set嘅尾聲，似係為咗填飽個肚。
話說明治剛開始維新時，大力鼓吹人民食肉。但係深受佛教文化影響嘅日本人係好抗拒。聽聞啲日本人食壽喜燒果陣仲會響客廳同佛堂貼上「遮掩紙」掩人耳目。不過咁大陣味，邊遮到呀。
Anyway，當時嘅日本人見到今日壽喜燒店開到嚟香港，仲要係中上環地段嘅中高級餐廳，唔知又有咩感受呢？
Post
