果然不出我所料，呢度環境闊落，坐得好舒服。我哋兩個人叫咗慶州豚肉的神話套餐，都只係$498。呢個餐差唔多咩肉都有，仲有海鮮添。
牛小排、五牛花、牛舌、護心肉、五花肉、雞肉、大八爪魚，唔太大食既話，真係3個人都夠食，仲包多2杯特飲，我們都叫咗柚子檸檬梳打，一啖燒肉一啖梳打真係絕配
前菜（除沙律）& 爐邊蛋都係任食
佢嘅五花肉唔會太厚，仲有認定証😊，介紹翻五花肉嘅產地同質素，每邊煎2分鐘已經食得。塊豬油仲要係小豬嘅形狀，真係好得意，又唔捨得燒咗佢😅
不過我最鍾意都係佢塊牛舌，好新鮮嘅牛味，每邊煎10秒就已經食得，唔包菜直接食就可以試到佢最新鮮嘅味道
其餘嘅肉類都好新鮮，最令我驚喜嘅係佢啲南瓜真係好甜，好想食多幾塊。至於花菇，煎到差唔多熟時點d豉油再煎就會變得甜甜到，不妨試吓呢個食法
