小糖鈕Sweet Button食佢出名的甜品。仲可以約埋好耐無見的舊同事出黎聚下，餐廳係尖沙咀港鐵站A2出口, 直行1分鐘就到。
話明係小糖鈕, 不論牆身,裝飾都有好多彩色鈕, 影相打咭好靚呀 ! 再睇下餐牌, 除左甜品原來晚市都有主菜食, 不過我地一心只係食甜品, 下次先黎食主菜。我地一早係OPENRICE睇左有乜推介。已經諗定ORDER
大糖鈕特選拼盤(Big Sweet Button Combo) $238 。呢個拼盤好受歡好多人叫。其中特別係其中3款係神秘甜品 (唔准問), 保持神秘。
1
1
1
甜品上黎時, 職員好友善咁提我地可以先食富士蘋果撻, 因為係熱的。而最期待的神秘甜品十分有驚喜，職員會介紹返神秘甜品的款式，好細心。
甜品盤上面除了擺放8款外, 亦配合小糖鈕的店名, 放上不同大小及顏色的朱古力鈕及蕉糖味的爆谷。加上獨特的圖案令到整個甜品拼盤生息不少。
1
5款主打甜品 :
小糖鈕森林
富士蘋果撻
柚輪
冰綠茶。70%朱古力
冰鎮玫瑰荔枝燉蛋
3款神秘甜品
焦糖香蕉Brownie蛋糕
玫瑰山楂慕絲配士多啤梨汁
香橙咸檸七
小糖鈕森林職員有提及此甜品味道較濃, 建議可以最後品嚐。扮演小磨菇係Macaron, 相似程度爆燈, 係小磨菇下面係好香的意大利黑松露, 最底層的白朱古力忌廉, 十分細滑
2
富士蘋果撻聽左職員先品嚐這一款, 面層的薄脆的由蘋果肉整成, 蘋果肉好甜。下面蘋果粒粒, 易入口, 整個配合得好好 !
柚輪(蜜柚芭菲拿破輪)用了蝴蝶酥最外層的半圓形, 上面的柚子配合上芭菲味道好清新。
冰綠茶。70%朱古力 (綠茶芝士冰餅)上面的芝士冰餅味道淡, 下層有濃濃的朱古力, 中和了兩款的味道, 同事係朱古力控, 佢勁LIKE
冰鎮玫瑰荔枝燉蛋職員有提示要敲碎玫瑰與燉蛋一齊食, 燉蛋還加入了士多啤梨汁, 和平時食的燉蛋唔同, 玫瑰花好脆整得好靚
神秘甜品之1 (焦糖香蕉Brownie蛋糕)我好中意食香蕉, 最下層的香蕉蛋糕絕不欺場, 師傅工架一流。蛋糕好滑好勁香蕉味
神秘甜品之2(玫瑰山楂慕絲配士多啤梨汁)玫瑰山楂好開胃, 加上微酸的士多啤梨汁, 好醒神。最上面的蝴蝶由威化整出黎, 原來係食得呀 !
神秘甜品之3(香橙咸檸七)原來咸檸七都可以變身為甜品, 表面香橙夠甜, 下面咸檸七味道夠fresh易入口, 真係要一試
今餐甜品太豐富了, 2個人食都好夠飽, 原以為8款甜品唔多, 慢慢品嚐一邊傾計原來都好飽。職員會主動添水, 呢一點要讚呀 !
